Duizend soldaten

 

A je van z’n leven in de Westhoek passeerd

Polygon wood (omgeving Ieper)

deur regen en noorderwinden

keerd omme den tijd a j’alhier passeerd

den oorlog ga j’hier were vinden

 

Ja ’t is den oorlog da j’hier were vind

en ’t graf van duizend soldaten

altijd iemands vader altijd iemands kind

nu doodstille godverlaten

 

Laat de bomen nu maar zwijgen

en da ’t gras niets verteld

en de wind moet ook maar ni’ zingen

da julderen dood tot niets hee’ geteld

dat waren al te schrikkelijke dingen

 

Seg, ’t gaad al goed der is welvaart in ’t land

en de vrede ligd vast in de wetten

we maken wel wapens maar meh’ veel mere verstand

maar zjust om den oorlog te beletten

 

En grote raketten atoom in den top

Ploegsteert (omgeving Ieper)

we meugen toch experimenteren

we mikken wel ne keer na mekaar z’ne kop

mor zjust om ons t’amuseren

 

A je van ze leven in de westhoek passeerd

deur regen en noorderwinden

keerd omme den tijd a j’alhier passeerd

den oorlog ga j’hier were vinden

 

Ja ’t is den oorlog da j’hier were vind

en ’t graf van duizend soldaten

altijd iemands vader altijd iemands kind

duizend en duizend soldaten

duizend en duizend soldaten

duizend en duizend soldaten

en nog duizend en duizend soldaten…

 

tekst en muziek: Willem Vermandere

Geplaatst in Gaondeweg., Woorden verzameld.. en getagd met , , , .

Geef een reactie

Het e-mailadres wordt niet gepubliceerd. Vereiste velden zijn gemarkeerd met *